கடந்த மே மாதம் 7 ஆம் தேதி மாலை 6 மணிக்கு நல்லாயன் நிலையத்தில் தன்னார்வ வேதியர் அடிப்படை பயிற்சி பெற்ற 38 பேருக்கு சான்றிதழ் வழங்கும் விழா நடைபெற்றது. இந்நிகழ்வுக்கு நம் மறைமாவட்ட ஆயர் மேதகு. ச. ஆரோக்கியராஜ் தலைமையேற்க, மறைமாவட்ட முதன்மைச் செயலர் அருள்பணி. அமல்ராஜ், மறைமாவட்ட பணிக்குழுக்களின் ஒருங்கிணைப்பாளர் அருள்பணி. அல்போன்ஸ் ஆகியோர் முன்னிலை வகித்தனர். இந்நிகழ்வில் பயிற்சி அறிக்கையும், செயலர் தந்தையின் உரையும், பணிக்குழுக்களின் ஒருங்கிணைப்பாளர் தந்தையின் வாழ்த்துரையும், ஆயரின் ஆசியுரையும் இடம் பெற்றன. பயிற்சி பெற்றவர்கள் தங்களுக்கு வழங்கப்பட்ட பயிற்சி குறித்த தங்களது அனுபவப் பகிர்வுகளை மேற்கொண்டனர்.